#
 

Ökumenischen Karkdeenst up Platt

 

an'n 15. April 2018
noamiddaangs üm half dree
ien de roomsche Karke ien Nijnhuus

 
 

1. Örgelvörspöll

 

2. Wilkummenswoart (Albert Rötterink van’n Groafschupper Plattpr. Kring)

 

3. Iengangswoart (Pestor Hubert Bischof)

 

4. Psalm 150: Halleluja Gott ouns Heär (Verse 1 – 3)

 

1. Halleluja Gott ouns Heär,
is gineene ower Feär!!
Brengt Anbeteng, Pries en Ruum,
em ient grote Häiligdum!
Pucht em doar ien' Himmel bowen,
pucht, wat he uns all heff bracht,
pucht de Wunner van sien' Macht
He is Gott!! söll wij bekennen!!

2. Pucht em met Posaunenklang
enn ock met blieden Gesang.
Psalter, Harfen, pucht em völl,
met ou Saiten klingend Spöll.
Schloat de Pauken, danst gewoon,
klingen loat't denn Flöiten-Ton.
Is all groot Dien Lob en Eär,
alltied sall et noch wötten meär.

3. Ock ij cymbeln, uwwen Schall
wodd wakker overall.
Gotts Lob, dat Lob van' Heärn.
O, ij Mäinschen, ij söllt geärn
uwwen Gott dat Lobleed brengen.
Em sall alles froo en lat,
alles, wat bloos Oam noch had,
ewig Halleluja singen.

 

5. Offkünnigungen (Pestor Hubert Bischof)

 

6. Leed EG 331:Gott ouns Gott wij roopt dij to
(Verse 1 – 4, 8)
Verse ien' essel, denn Chor beginnt.
Denn Chor singt up Hochdütsch.

Chor:

1. Gott ouns Gott wij roopt dij to,
höar ouns beden, höar ouns singen.
Vöar dij stoa wij, kläin en groot,
all ouns Daunkschüild dij to brengen.
Soa du was vöar lange Tied,
soa bliffs du an ounse Sied.

Gemeende:

2. Alles wat dij priesen kann,
all de Engel hoch doar bowen,
stemmt met ouns dat Daunkleed an,
dij alleen met Eär’ to loben.
All dien Volk böagt sick vöar dij,
böag ock du dij heär to mij.

Chor:

3. Groot bis du, Gott Zebaoth,
Woar is soa een Gott to finnen?
Stees ouns bij in all ouns Noat,
Maaks ouns frij van Schüld en Sünden.
Dij höart Daunk un Eär alleen,
loat ouns nich velöaren ween.

Gemeende:

4. Heer, erbarm, erbarme dij,
loat dien Gnade bij ouns doch stoan.
Dien Erbarmen bliff bij mij
at de Mäinschen all’ willt weggoan:
Loat ouns nich velöaren ween,
anners stoa wij heel alleen.

Gemeensam:

8. Heer, stoa ouns doch alltied bij,
de wij up de Knee föar dij föllen.
Maakdes döar dien Blood ouns frij,
hess föar ouns denn Doad uthöllen;
nemm ouns noa denn swoaren Loop
in dien Riek met Gnaden up.

 

7. Iengangsebett (Pestor Hubert Bischof)

 

8. Chor: Ambrosianischer Lobgesang Peter Brettner 

 

9. Lesen (Pestor Hubert Bischof)

Dat Book Jesaja
Dat Daunkleed van de, de hölpen wodden is:
An denn nöchsten Dag sass du seggen:
Ick daunke dij, Heer. Du was mij hellig, men diene Helligkäit
heff sick leggt en du hess't weär good met mij meent.
Joa, Gott is miene Rettung;
em will ick mij anvetrauen en nooijt missmodig ween.
Doarüm dat miene Stärkte en mien Leed denn Heer is.
He is föar mij miene Hlpe wodden.
Ij söllt Water halen föar Bliedschup ut de Quellen van't Häil.
An denn nöachste Dag will ij seggen:
Daunk ounsen Heer. Roopt sienen Namen an.
Maakt sein Wark unner de Mäinschen bekäint en deelt met:
Sienen Namen is groot en stark!
Priest ounsen Heern, denn heerlijk Wark vullbracht heff:
up de heele Weärld söllt se dat weten.
Singt en weest bliede, ij Löö van Zion;
doarüm dat denn Häiligen Israel is groot in uwwe Milte.

 

10. Gebett

 

11. Leed 264 EG: De Karke, de steet faste ( Verse 1 – 4)
Diakonieopper wodd ingattert

1. De Karke, de steet faste,
alleen up Jesus Christ,
dee ounsen groten Gott
siene nije Schöpfung is,
van’n Himmel kwamp he daale,
en nöimp see sick as Bruut,
en kump met äigen Blood
ouns alltied weär togoot.

2. Utsöcht ut alle Völker,
en doch as een Volk täild,
een’ Heär is’t en een’ Gloawen’,
een’ Geest denn eär beseelt,
en eenen hilgenNamen,
eärt see, een heilig Moal,
en eene Hoppe deelt see,
döar siene Gnadenwaal.

3. Hier all is see vebünnen,
met em, denn is en was,
heff selige Gemeenschup,
mett de Erlösten all’,
mett dee, dee all vullkummen.
Dij Heär, dij rope wij:
Leär ouns, dat wij mett’n allen,
dij dankbar bint alltied.

 

12. Preeke (ÖP Georg Schüürhuis)

Epheser 5, Verse 19 en 20:

Weest munter metmekaar met Psalmen en Gesang
en geestlijke Leeder, singt en spöllt denn Heer in uwwe Hatte en seggt Daunk an Gott denn Vader,
alle Tied föar alls, in'n Namen van ounsen Heern Jesus Christus.

13. Chor: Der Herr ist mein Licht Georg Frederick Root

 

14. Föarbiddengebett (Pestor Hubert Bischof)

 

15. Leed EG 406: Bij dij Jesus, will ick bliewen

( Verse 1 – 4)

 

1. Bij dij Jesus, will ick bliewen,
dij too Deenst un Willen stoahn.
Nix sall mij van dij verdriewen,
will up dijn Wegg alltied goahn.
Du brengs Leewen in mijn Leewen,
Hoppen, Gloaben, Moot un Sinn.
Alltied bliew ick dij ergewen.
Mett dij bin ick, watt ick bin.

2. Watt kann ick wall better packen,
ass dijn Hand, Herr Jesus Christ?
Heff denn Himmel föarr mij loaten,
heff em hier föar mij toorüst.
Kann ick eenfecher wall wandern,
ass mett dij, du Mäinsch un Gott?
Geff't wall in de Welt nen Armen,
de soa trösten kann in Noat?

3. Woar iss soa een' Herr te finnen,
de watt Jesus doan heff, dött;
de mij fräijmaakt van mijn' Sünden,
un in Schuldnoat bij mij steht?
Sall ick dann nich too em hören,
de sijn Leewen vöör mij gaff ?
Sall ick sööken nich denn Hafen,
de mij upnemp: Leef üm Leef ?


4. Joa, Herr Jesus, bij dij blief ick,
soa in Noat un soa in Freud
Bij dij blief ick, dij verschriev
ick mij föarTied un Ewigkäit.
Un wenn kump mijn leste Stunde,
un de Welt mott in't Gericht,
goah ick handfast an dij bünnen,
soa in'n Düüstern, soa int Lecht.

16. Gebett:Ounse Vader, de du bis ien'n Himmel

(all tohoape, soawiet at et geet, stoat't alle up)

Ounse Vader, de du bis ien ’ n Himmel,
häiligt wött dien'n Nam'.
Dien Riek sall kummen,
alles sall geböaren, watt die'n Will'n is,
ien'n Himmel en up Erden.
Ouns daangsche Broat geef ouns vandage,
enn v'geef ouns ounse Schould,
nett as wij ock v'gewen söllt,
de ouns wat schüllig bint.
En läi' ouns futt van alle Leepichkäit,
en geef, dat wij ginn Kwoat möögt doon,
want dien is dat Riek, en de Kracht
en de Heerlikkäit, ien Ewigkäit.
Amen!

 

17. Leed EG 170 : Kumm Heer, segne ouns (Vers 1)  

1. Kumm Heer, segne ouns, loat ouns bij dij bliewen,
en loat ouns, o Heer, nich ut ’ n anner driewen.
Wij binnt nich alleen, loat to alle Tieden,
up ouns Freud‘ en Lieden, Heer die ’ n Segen ween.

 

18. Segen (Gemeesam Pastor Hubert Bischof en ÖP Georg Schüürhuis)

 

19. Leed EG 170: Verse 2 un 3 (Gemeende bliff stoan)

2. Kinn een kann alleen fastholl’n Gott sien’n Segen.
Meär as nöarig is, geff Gott allerwegen.
Wenn wij ounsen Feind geärn bij Tied weär good sint,
helpen, de ien Noat bint, ouns dien’n Segen schient. 

3. Freeden gaffs du all, Freeden mött noch wönnen,
wu du toseggt hess: Ouns tot Wohl up Eärden.
Help, dat wij em doot, wat wij all könnt gewen.
De mett Troanen säijet, rösten söllt ien Fred’n.

 

20. Örgelspöll to’n Utgaunk en Kollekte

 

Dissen Deenst ien ounse Modersproake is vöarmekaar maakt döar denn Groafschupper Plattproater Kring.

 

Wij bedankt ouns bij alle, de to dissen Karkdeenst bijdrögen hebbt, namentlik bij Öllstenpreeker Georg Schüürhuis ut Wilßem en Pestor Hubert Bischof van de roomsche Karke ien Nijnhuus.